Ծառայությունների պայմաններ

Այս պայմանները կարգավորում են Beautify ՍՊԸ-ի և բիզնես-գործընկերների հարաբերությունները։ Դառնալով մեր գործընկերը՝ համաձայնում եք սույն պայմաններին:

1. Ներածություն

Beautify-ը առցանց հարթակ է, որն ապահովում է բիզնես գործընկերների և հաճախորդների միջև կապը հնարավորություն ընձեռելով գտնել նոր հաճախորդներ, զարգացնել բիզնեսը, ավտոմատացնել ամրագրումների գործընթացը, զբաղեցնել առաջատար դիրք որոնողական համակարգերում և ապահովել ձեր առաջխաղացումը սոցցանցերում։

Սույն պայմանները մաս են իրավաբանորեն կնքված պայմանագրի Beautify-ի և յուրաքանչյուր բիզնես գործընկերոջ միջև: Beautify ՍՊԸ-ն գրանցված է Հայաստանի Հանրապետությունում։

2. Պահանջներ

Beautify-ում գործընկեր գրանցվելու համար պետք է.

• Լինել օրինական գրանցված բիզնես կամ ինքնազբաղված անձ՝ գեղեցկության ծառայություններ մատուցելու իրավունքով:
• Գրանցման ժամանակ տրամադրել ճշգրիտ, արդի և ամբողջական տեղեկատվություն:

3. Հաշվի գրանցում և պատասխանատվություններ

Գործընկերոջ հաշիվ ստեղծելիս համաձայնում եք.

• Ձեր բիզնեսի, ծառայությունների, գների և անձնակազմի վերաբերյալ ճշգրիտ տեղեկություններ տրամադրել:
• Գաղտնի պահել ձեր մուտքի տվյալները և անմիջապես ծանուցել ցանկացած չարտոնված մուտքի մասին:
• Պահպանել ձեր ծառայությունների մատուցման վերաբերյալ տվյալների ճշգրտությունը, ներառյալ աշխատանքային ժամերը, ծառայությունների հասանելիությունը և գները:
• Նշանակել առնվազն մեկ հաշվի ադմինիստրատոր:

Դուք լրիվ պատասխանատու եք ձեր հաշվի ներքո կատարված բոլոր գործողությունների համար:

4. Որպես գործընկեր պարտավորվում եք

• Ճշգրտորեն նկարագրել բոլոր մատուցվող ծառայությունները, ներառյալ տևողությունը, գները:
• Օգտագործել միայն ձեր տարածքի, անձնակազմի և աշխատանքի իրական լուսանկարները:
• Չտեղադրել ապակողմնորոշիչ պնդումներ կամ անհիմն արդյունքների խոստումներ:
• Գործունեությունը համապատասխանեցնել գովազդային և սպառողների պաշտպանության օրենքներին:

Beautify-ը կարող է վերանայել, խմբագրել կամ հեռացնել այն տեղեկությունները, որոնք խախտում են այս չափանիշները:

5. Ամրագրումներ և չեղարկումներ

5.1 Ամրագրումների ընդունում

Հաճախորդի Beautify-ի միջոցով ամրագրումը ստեղծում է պարտադիր պարտավորություն: Դուք պետք է.

• Կատարել բոլոր հաստատված ամրագրումները, եթե հաճախորդը չի չեղարկել կամ ֆորս-մաժորային իրավիճակ չի ստեղծվել:
• Պահպանել այն ժամային գրաֆիկը որով կատարվել է հաճախորդի ամրագրումը:
• Հարթակի միջոցով հնարավորինս շուտ ծանուցել հաճախորդներին չեղարկման կամ ժամերի փոփոխության դեպքում:

5.2 Չեղարկման քաղաքականություն

Գործընկերները կարող են փոփոխել իրենց չեղարկման քաղաքականությունը Beautify-ի կողմից սահմանված պայմաններով: Հաճախորդի կրկնվող ուշ չեղարկումների կամ բացակայությունների դեպքում գործընկերները կտեղեկացվեն տվյալ հաճախորդի վարքի մասին, իսկ պարբերաբար կրկնվելու դեպքում հաճախորդի հաշիվը կարող է բլոկավորվել:

5.3 Ծառայությունների մատուցում

Բոլոր ծառայությունները պետք է մատուցվեն ձեր ցուցակում նկարագրված չափանիշներին համապատասխան: Դուք պատասխանատու եք ձեր մատուցած ծառայությունների որակի, անվտանգության և օրինականության համար:

6. Վճարներ և վճարումներ

Beautify հարթակում դուք ստանում եք ձեր ընտրած բաժանորդագրության պլանին համապատասխան գործողությունների հնարավորություն: Ընթացիկ գները հրապարակված են beautify.am/business/pricing-ում:

• Բաժանորդագրությունները ամսական կամ տարեկան են՝ նախօրոք վճարումով:
• Վճարները ենթակա չեն վերադարձի, բացառությամբ օրենքի պահանջի:
• Beautify-ն իրեն վերապահում է տարեկան 1 անգամ վճարները վերանայելու հնարավորություն՝ նախապես ծանուցմամբ: Գործընկերները փոփոխությունների մասին կծանուցվեն առնվազն 60 օր շուտ։
• Ձեր բիզնեսի և հաճախորդի միջև վճարումներն իրականացվում են տեղում՝ առանց հարթակի միջնորդության և պատասխանատվության: Վճարային վեճերը ձեր և հաճածորդի միջև են

7. Կարծիքներ և վարկանիշներ

Beautify-ը ցուցադրում է հաճախորդների թողած բոլոր կարծիքներն անխտիր: Հաճախորդը չի կարող կարծիք թողնել ծառայության վերաբերյալ, եթե հարթակի միջոցով ամրագրում չի կատարել և գործընկերոջ կողմից չի նշվել, որ ծառայությունը մատուցվել է։ Որպես գործընկեր դուք ընդունում եք, որ.

• Հաճախորդներն իրավունք ունեն կատարված ամրագրումից հետո թողնել անկեղծ կարծիքներ:
• Արգելվում է դրական կարծիքների դիմաց խրախուսում կամ զեղչ առաջարկել:
• Արգելվում է հետապնդել կամ ճնշել բացասական կարծիք թողած հաճախորդներին:
• Գործընկերը կարող է պատասխանել կամ պարզաբանում ներկայացնել թողնված կարծիքի մասին:
• Beautify-ը չի երաշխավորում իրական փորձը արտացոլող կարծիքի հեռացումը, սակայն փաստերի ուսումնասիրության և ապացույցների ներկայացման դեպքում կարող է դիտարկել ոչ արդարացի կարծիքի հեռացումը։

8. Բովանդակություն և մտավոր սեփականություն

Հարթակ լուսանկարներ, նկարագրություններ, լոգոներ և այլ բովանդակություն վերբեռնելով՝ Beautify-ին տալիս եք համաձայնություն ցուցադրելու և առաջ մղելու այդ բովանդակությունը գործընկերության ընթացքում:

Beautify-ի անվանումը, լոգոն, դիզայն-համակարգն ու հարթակի ծրագրակազմը Beautify ՍՊԸ-ի բացառիկ սեփականությունն են:

9. Արգելված գործողություններ

Որպես գործընկեր դուք պարտավոր եք.

• Ձեր բիզնեսի, որակավորումների կամ ծառայությունների վերաբերյալ կեղծ կամ ապակողմնորոշիչ տեղեկատվություն չտրամադրել:
• Չօգտագործել հարթակը ցանկացած ապօրինի գործունեության համար:
• Չօգտագործել ավտոմատ գործիքներ հարթակից տվյալներ հավաքելու համար:
• Չխանգարել հարթակի շահագործմանը, անվտանգությանը կամ հասանելիությանը:
• Հաճախորդների նկատմամբ խտրականություն չկիրառել ռասայի, սեռի, կրոնի կամ ցանկացած այլ հատկանիշի հիման վրա:

10. Պատասխանատվության սահմանափակում

Beautify-ը ծառայություն է մատուցում հարթակի «առկա վիճակով».

• Beautify-ը պատասխանատու չէ հարթակի խափանումներից, տեխնիկական սխալներից կամ որոնման դասակարգման փոփոխություններից բխող եկամուտների կամ հաճախորդների կորստի համար:
• Beautify-ը ձեր և հաճախորդների միջնորդն է և չի հանդիսանում ծառայությունների մատուցման կողմերից մեկը:

11. Դադարեցում

Ցանկացած կողմ կարող է ցանկացած պահի դադարեցնել սույն համաձայնագիրը.

• Գործընկերը կարող է չեղարկել բաժանորդագրությունը և փակել հաշիվը կառավարման վահանակից: Դադարեցումն ուժի մեջ կմտնի ընթացիկ հաշվարկային ժամկետի վերջում:
• Beautify-ը կարող է անհապաղ կասեցնել գործընկերոջ հաշիվը պայմանների կոպիտ խախտման դեպքում:

Դադարեցման դեպքում ձեր հանրային պրոֆիլը կհեռացվի: Ամրագրումների պատմությունը կպահպանվի օրենքի պահանջով:

12. Կիրառելի օրենք և վեճերի լուծում

Սույն Պայմանները կարգավորվում են Հայաստանի Հանրապետության օրենսդրությամբ:

13. Կապ

Ծառայությունների պայմանների վերաբերյալ հարցերի դեպքում կապվեք մեր թիմի հետ.

• Էլ. փոստ՝ business@beautify.am
• Հեռախոս՝ +374 44 26 26 06
• Հասցե՝ Beautify ՍՊԸ, Երևան, Հայաստանի Հանրապետություն